Nestes días, e encadrados nas Xornadas da Cultura, estivemos a desenvolver no cole as xornadas do proxecto Liga de Debate no primeiro ciclo da ESO. Durante dous días, o alumnado de 1º e 2º de ESO desenvolveu sucesivos debates en galego e castelán sobre o tema marcado para este ano: “Pode o alumndo empregar as novas tecnoloxías dentro do centro educativo?”. Tras o proceso de preparación das posturas (a favor e en contra) por cada equipo, estas foron moi ben argumentadas e defendidas por cada un dos equipos, despois de sortear cal delas lles tocou defender.
O venres 6 de maio celebramos a final entre 1º e 2º da ESO, co resultado final do equipo de 2º de ESO como gañador dos debates, onde se valoraba non só a posta en escena (xestos, fluidez ao expresarse, solidez dos argumentos, respecto polo equipo contrario…), senón tamén todo o proceso de elaboración e preparación do material.
NORABOA A TODOS E A TODAS polo bo traballo realizado.
(Ticade na imaxe para acceder ao álbum de fotos)
