O outono chega a Galén. As cores do bosque entran polas fiestras e invítannos a participar dun espectáculo único que non podemos deixar pasar.
O outono é tempo de descubrimentos, de cambios, de aprendizaxes, de observación e de aventuras no medio natural: os cogomelos, as castañas, as landras, as follas coloridas que caen cubrindo cun novo manto os camiños e o bosque e a visita á feira de Castro. O espectáculo impresiona e convértese nun motor de aprendizaxe activa onde os protagonistas son os vosos fillos e fillas , o alumnado de Galén.
Este outubro será un mes especial de novo. Gozaremos de aprender e de compartir nestas “Xornadas de Outono” que, sen dúbida, non serán o mesmo que as nosas “Estadías” pero que farán máis doada a espera.
