Mañá de cine co O Apóstolo!!

Hoxe pasamos unha mañá de cine!! Fomos invitados á proxeción da película de animación   O Apóstolo e a unha charla impartida por Fernando Cortizo, director do filme e Isabel Rey, productora do mesmo.  Nos falaron de cómo se xesta un proxecto desta embergadura, cómo se planifica, cómo se realiza un storyboard, cómo se resolve mediante a animática , cómo se constrúe un boneco e de cómo se realiza a súa animación en stopmotion. Un traballo case titánico!! Fernando Cortizo nos comentou que apenas podían filmar máis 3 segundos de animación ao día!! 

Lembrade que fai algúns anos ( os alumnos de 4º de ESO cursábais 4º de EP) visitamos as instalacións da productora Artefacto en Santiago. Alí nos amosaron varios sets de rodaxe e todo o proceso de realización dun “boneco” preparado para a animación (partían dunha estructura articulada metálica recuberta por unha silicona)  así como a construcción de maquetas e decorados, por certo, espectaculares. 

O Apóstolo foi galardonada cun gran número de premios en diferentes e prestixiosos certames de cine. Para facernos unha idea, foi nominada en 2013 ao Goya por a “Mellor película de animación” e preseleccionada aos Óscar. O Apóstolo é ademáis a primeira longametraxe europea en stopmotion realizada en 3D. Participan actores como Carlos Blanco, X.M. Olveira “Pico”, Geraldine Chaplin, Jorge Sanz, Paul Naschy, Luis Tosar, Celso Bugallo, Isabel Blanco….prestando o seu rostro e os seus xestos, ademáis participaron na súa realización máis de cen técnicos internacionais que proviñan de filmes como “A Novia Cadáver”, “Coraline” ou “O Señor dos Aneis”.

Aquí vos deixamos algúns vídeos de “cómo se fixo” . De seguro que apreciaredes a dificultade e o gran traballo que supón realizar un filme destas características, esencialmente artesanal.