Viaxamos a Madrid para vivir tres días intensos e inesquecibles.
Despois de visitar Alcalá de Henares, gozamos coa divertida comedia El test e co apaixonante musical BillyElliot.Observamos obras mestras no Museo do Prado e mostras de arte contemporánea no Reina Sofía.
Paseamos polo Madrid dos Austrias, recordamos personaxes e feitos históricos; compartimos aprendizaxes, momentos divertidos, fotografías e vivencias, completando unha etapa máis do camiño que iniciamos xuntos en Galén.
