As Xornadas da Cultura 2016 teñen, como todos os anos, un eixo común que abarca todos os niveis do centro, de Educación Infantil a Bacharelato.
Estas xornadas xiran ao redor do 23 de Abril co motivo do Día do Libro e rematan ao redor do 17 de Maio coincidindo co Día das Letras Galegas.
Durante este período concentraranse as exposicións e realizacións de proxectos culturais relacionadas coas linguas que se imparten no centro.
Este ano vinculamos o noso proxecto a Miguel de Cervantes e William Shakespeare co motivo dos 400 anos da súa morte, nas distintas disciplinas literarias, culturais e artísticas.
O proxecto constará de dúas partes:
- Unha parte de exposición dos distintos traballos realizados nas aulas que todas as familias poderán ver nos corredores do Centro
- Celebraremos durante o mes de maio a Liga de Debate interna, de ESO a BAC.
- Unha segunda parte de “Xornadas de teatro e recitais” nas que fundamentalmente os cursos de primaria representarán de cara a comunidade educativa diferentes obras de teatro, recitais de poesía….
- Ademais haberá unha conferencia de Pablo Núñez: autor de Las hijas del César, obra coa que foi finalista no Premio Planeta, e Ladrones de historia. O tema sobre o que falará será: o proceso de creación literaria.
Datas máis salientables:
4 de maio – Conferencia de Pablo Núñez ás 15.30, dirixida ao alumnado de 4º ESO e 1º BAC.
12 de maio – Teatro 3º e 4º EP; representarán Recreación de O Rei Lear e The crazy story, respectivamente.
19 de maio – Teatro 1º e 2º EP; teatro en castelán e galego e o recital Sacos de poesía, respectivamente.
26 de maio – Teatro 5º e 6º EP; teatro en castelán e recital poético en castelán, galego, francés e inglés.
