As nenas e nenos de 1º de EP tivemos unha semana chea de experiencias: cociñamos!!
Primeiro tivemos que decidir os platos que íamos cociñar, tiña que ser un menú vexetariano. Despois de moito pensar decidimos: crema de cenoria con picatostes, de primeiro, lasaña de verduras, de segundo, e de sobremesa permitímonos a licencia de preparar panna cotta con coulís de amorodo.
Para comezar fixemos a lista da compra e ao día seguinte fomos ao Gadís a mercar. Alí recibiunos Teté que nos presentou a Javier, que nos ía explicar a pirámide de alimentos e nos ía facer de guía no súper polas distintas seccións. E para rematar, unha sorpresa! o mago David que nos sorprendeu coa súa maxia.
Pero nós alí íamos a algo máis, á facer a compra! Por grupos, fomos metendo na cesta todo o necesario para cociñar.
E por suposto, despois de tanto traballo un tentempé era necesario!!!
Xa no cole cortamos as verduras para que Cris, Edgar e Macu as cociñaran, e tamén preparamos o postre.
Pero aínda faltaba algo moi especial para nós, servir aos nosos compañeiros e compañeiras, e tamén aos papás de Nano e Lucas que viñeran comer con nós.
Uff, canto traballo!
