A Galén Nursery School enfeitouse de flores, cores e moita moita alegría para a nosa saída de fin de curso. Este ano quixemos inspirarnos nos Hippies para pasar dous días do máis divertidos.
Para moitos de nós era a primeira vez que durmiamos fóra da casa e que pasabamos tanto tempo sen ver á nosa familia. Mais para todos e todas foi unha experiencia moi gratificante chea de boas sensacións, amizade, aventura e moita moita ledicia.
O primeiro día marchamos rumbo á “Hapiness Island” neste Hippie-bus que nos preparou Monbus especial para a ocasión. Moitísimas grazas pola vosa implicación!!
Na praia gozamos moito dos xogos coa area e coa auga. Fixo un día caloroso e estivemos moi moi a gustiño.
Ao mediodía gozamos da sombra no pinar e fixemos un picnic para xantar. Recuperamos forzas e despois doutro ratiño pola tarde de praia….un riquisimo “Ice Cream”!
Regresamos ao cole pola tardiña, no noso bus hippie onde nos agardaba unha grande sorpresa no “Bosque da felicidade”…..dúas personaxes do máis particulares que falaban en inglés: un executivo estresado e unha Hippie que lle axudou a atopar a fórmula da felicidade a través da meditación……Foi superdivertido!!!
Despois tocou duchas, poñer pixamas, cear e….Lume de Campamento con música tradicional!!! que mellor maneira de rematar o día que con festa non si?
Durmimos nas tendas de campaña, coas nosas profes e compañeiros e compañeiras, ben arrimadiños e moi moi a gustiño. Toda unha experiencia do máis positiva, de verdade!!!
Ao día seguinte, coas forzas renovadas adicámonos aos obradoiros hippies nos que elaboramos aquelas cousas que nos servían para caracterizarnos coma eles: unha camiseta que tinguimos, unha trenza con plumas para a cabeza, o símbolo da paz e maquillaxe…e mirade que guapos e guapas!!
E xa así de preparados saímos xogar cando……apareceu outra personaxe hippie que, ademais de contarnos cousas sobre a música que lle gusta, onde vivía e pasar con ela un rato ben divertido trouxo pistas coas que atopar o tesouro agochado no bosque…cheo de doces!!!
Xa vedes que foron dous días do máis intenso e vivímolos con moita moita emoción.
