Parabéns a nosa alumna Lucía Amarelo Ginzo pola cualificación acadada nos premios extraordinarios de Bacharelato do pasado curso 2020-2021; os seus resultados convértena nunha das vinte alumnos e alumnas que acadaron esta mención. É difícil expresar o orgullosos que nos sentimos cando recolledes o froito do voso tesón, esforzo e traballo. Orgullosos de vervos medrar, de vos poder acompañar e de compartir convosco un anaquiño dos vosos triunfos, que por pequenos que sexan tamén sentimos nosos. De novo parabéns Lucía, “Luz propia” sen dúbida. Que os camiños que se abren ante ti teñan tanta luz como a que ti desprendes. Noraboa de toda a comunidade educativa, de todas e todos os que formamos Galén.