Unha mañá intensa dende as 10.30. Fostes moitas as familias que vos achegastes a nós para coñecer o noso proxecto educativo. Os vosos nenos e nenas participaron na obra de teatro representada polo profesorado de inglés, ademais de gozar coa exposición de xogos matemáticos e robots xunto co taller de máscaras. Grazas por vir.
Agradecemos, tamén, a presenza de moitas familias do centro que non se quixeron perder esta mañá tan teatral e lúdica.
Ven a coñecer o noso Centro o día 2 de Febreiro de 10:30 a 14:00 na Rúa Xián, 27296. Estamos encantados de que vos interesedes polo noso Centro. Temos doces e café para facer máis amena a visita e, así, coñecernos persoalmente.
Haberá unha obra de teatro para nenos e nenas de 0 anos en diante, ás 11.45. Tamén desenvolveremos un pequeno obradoiro de plástica dirixido a nenos e nenas de diferentes idades. Así mesmo, poderedes visitar unha exposición de xogos matemáticos e de robótica, poñendo a proba o voso enxeño.
Recibiravos o noso profesorado e estará á vosa disposición para informarvos e resolver calquera dúbida sobre o noso Centro, o proxecto educativo e os servizos de que dispoñemos.
Non se precisa inscrición. Aínda así agradecemos que nolo comuniquedes ao correo info@centrogalen.com ou no teléfono 982265205, para poder prestarvos unha atención máis personalizada.
Ven acompañada ou acompañado de quen creas que poida estar interesado.
Moitas grazas por interesarvos polo noso proxecto educativo..
