Ola de novo familias,
Como ben sabedes, xa recibimos as postais que os nenos e nenas de Kilmarnock nos mandaron antes das vacacións. A pesares de que chegaron un chisco tarde, fixéronnos a mesma ilusión 🙂
Agora estamos agardando poder coñecer aos nosos “penfriends”a través dunha videochamada. Que emoción!
Unha aperta!
Ola familias,
este ano, ademais de facer o noso intercambio de postais con outros nenos e nenas do cole, imos tamén a facer un intercambio co Cairns Early Childhood Centre situado en Kilmarnock, Escocia. O Cairns Early Childhood Centre é un centro educativo de educación infantil no que nenos e nenas de ata seis anos van a elaborar un total de 78 postais de nadal para mandar ao noso alumnado de todo Infantil, Primeiro e Segundo de Primaria.
Dende Galén, os obxectivos que pretendemos acadar con este intercambio de postais son os seguintes:
- Usar a lingua inglesa como lingua vehicular para comunicarse con outros cidadás da Unión Europea.
- Valorar o uso do inglés como o idioma máis importante no mundo á hora de comunicarse con outros países fóra de España.
- Desenvolver habilidades escritas e orais na lingua estranxeira.
- Escribir textos simples usando a lingua extranxeira cunha finalidade específica: felicitar as festas de Nadal.
- Reflexionar sobre a nosa propia cultura e a de outros.
- Desenvolver actitudes de respecto hacia a nosa propia cultura e a de outros.
Unha vez rematado o intercambio, ímonos a reunir con nenos e nenas do Cairns Early Childhood Centre nunha sesión de Skype para coñecernos un pouquichiño e valorar o intercambio de postais.
Merry Christmas 🙂