Parabéns Promoción 2024!
O pasado mes de xuño, o noso centro tivo a honra de celebrar a graduación dos alumnos e alumnas de 2º de Bacharelato, culminando así unha etapa chea de aprendizaxes, desafíos e grandes momentos. Foi unha viaxe inesquecible, chea de esforzo, crecemento persoal e académico, que se pecha con gran orgullo.
Ao longo destes anos, vimos como cada un de vós foi desenvolvendo o seu potencial, forxando amizades que seguramente perdurarán, e cultivando os valores que vos acompañarán en cada paso que deades no futuro. Este momento de celebración marca o fin dunha etapa, pero tamén o inicio dunha nova aventura chea de oportunidades e retos.
Queremos agradecer, de corazón, a confianza que todas as familias depositaron en nós, permitíndonos ser parte deste valioso proceso educativo. Sen a vosa colaboración, apoio e compromiso, non sería posible alcanzar este día tan especial.
Para vós, queridos alumnos e alumnas, só nos queda desexarvos o maior dos éxitos en cada un dos camiños que elixades percorrer. Que cada decisión estea guiada pola paixón, o respecto, e a determinación que demostrastes ata o de agora. Lembrade sempre que esta será a vosa casa, e que cada un de vós leva consigo un anaquiño desta comunidade escolar. E que nesta, a vosa casa, queda tamén a vosa pegada.
Parabéns, promoción 2024! O mundo espéravos cos brazos abertos, e estamos seguros de que deixaredes unha pegada indeleble onde queira que vaiades.
[Anexamos a continuación algunhas imaxes do evento e un vídeo resumo da cerimonia de graduación]
