Este ano o entroido en Galén será diferente pero non por iso imos deixar de festexalo. O venres teremos diferentes actividades para gozar como sempre o fixemos. Poderedes ver as actividades que facemos a través das canles oportunas.
Faremos un Mannequin Challenge e veremos as escenas que os diferentes cursos prepararon relacionado co tema do seu disfraz. Tamén, durante a mañá, veremos un desfile de disfraces a través de Zoom, onde poderemos vernos todos e todas.
Pola tarde, se o tempo nolo permite, sairemos ao patio a bailar e gozar cos nosos disfraces.
Ademais organizaremos esta semana talleres para a elaboración de máscaras e decorados que transformen a nosa aula no espazo do tema escollido por cada curso. Diferente pero igual de divertido. Ímolo pasar xenial. Viva o entroido!!

WhatsApp Image 2021-02-12 at 17.40.05 (3) (Copy)