Este ano, debido á situación vivida, non tivemos ocasión de saír ao mercado a comprarmos alimentos para cociñar.
Aínda así, Gadis acordouse de nós e propúxonos un programa de visitas á “Escola de comida” para coñecer os hábitos de vida saudables e o consumo responsable.
Neste programa puidemos coñecer e traballar de forma interactiva: a lonxa, a agricultura, a gandeiría, os almacéns, as tendas de ultramarinos, a froitaría, a peixaría, as liñas, e a caixa.
Proceso que seguen os alimentos ata chegar ao noso fogar.
As primeiras clases que completaron os temas foron recompensadas co prato de comida, un prato divertido que axuda a distribuír as proporcións de alimentos saudables.
