A visita de Amadora Núñez, presidenta do Banco de Alimentos de Lugo, foi o arranque para o noso proxecto solidario deste Nadal 2018. Amadora explicounos a orixe, a historia e o funcionamento do banco de alimentos da cidade. A súa linguaxe cercana e sinxela fixo que entenderamos a realidade e as necesidades de moitas familias da nosa contorna mais próxima.
Coa intención de que o Centro poña o seu gran de area, o grupo de 2º ESO está a traballar na organización da recollida de alimentos, xoguetes e roupa, colaboramos como vén sendo habitual nos últimos anos co Banco de Alimentos e Coa Asociación Veciñal da Milagrosa. O vindeiro luns comezarán a difundir o proxecto polas aulas e a partir do martes 11 ata o día 20 de decembro estarán nos postos de recollida á entrada do Centro en horario de inicio e saída.
