Esta semana reiniciamos en Galén Nursery School os obradoiros xunto cos nenos e nenas de 1º EP. Agora xa nos incorporamos todos e todas. Nesta volta temos Horto, Emocións, Masas e Cociña en inglés.
As tardes dos luns son agora un chisco máis especiais se cabe pois compartimos experiencias entre nenos e nenas de diferentes idades e momentos evolutivos, aprendemos uns dos outros, exploramos xuntos e vivimos sensacións compartidas que nos axudan a medrar, aprender e a pasalo moi ben.
Irémosvos contando en que consisten cada un deles e compartindo con vós a través das fotos un chisco do vivido.
