A finalidade do proceso de ensinanza-aprendizaxe das diferentes linguas estranxeiras que aquí desenvolvemos é acadar unha formación significativo en lingua inglesa do noso alumnado e sentar as bases para unha ampla formación en francés e iniciala no alemán.

Inglés.

Educación Infantil

O inglés impártese integrado no currículum global, non sendo obrigatorio aínda na actualidade nesta etapa. O profesorado é nativo. O inglés é, tamén, a lingua da área de psicomotricidade.

1º Ciclo de Educación Primaria

A presenza do inglés como materia refórzase cunha hora máis en relación á xornada establecida pola lexislación. O profesorado é nativo. O inglés é, tamén, a lingua das áreas de Educación Física e Plástica; así mesmo é lingua vehicular nalgún dos talleres internivelares.

2º e 3º Ciclo de Educación Primaria

A presenza do inglés nestes ciclos refórzase cunha hora máis sobre a establecida na lexislación, dedicada á lingua oral e impartida por profesorado nativo. Os grupos pequenos formados para impartir esta cuarta hora permiten un maior reforzo doutros aspectos diferentes aos da parte regrada da materia. O inglés é, tamén, como no ciclo anterior a lingua vehicular na que se imparte Educación Física e Plástica; así mesmo é a lingua usual nalgún dos talleres internivelares.

E.S.O. e BAC.

Nesta etapa, o inglés refórzase cunha hora máis en relación á xornada establecida pola lexislación. Esta maior carga lectiva céntrase na potenciación da lingua oral e no enfoque comunicativo da lingua e o profesorado é nativo. Os grupos pequenos formados para impartir esta cuarta hora permiten un maior reforzo doutros aspectos diferentes aos da parte regrada da materia.

En 1º e 2º ESO e na área de Matemáticas úsase o inglés como lingua de traballo nunha parte significativa do currículo coa finalidade de incorporar o vocabulario científico á súa formación específica.

A maiores en 3º, 4º ESO e BAC impártese unha hora de reforzo semanal fóra do horario escolar para aqueles alumnos e alumnas que o puidesen precisar.

Ademais do ensino regulado o Centro organiza unha serie de actividades que fomentan e teñen como obxectivo directo a aprendizaxe do inglés. Entre elas poderiamos destacar:

O intercambio con Polonia en 2º E.S.O. e o intercambio con Dinamarca en 1º BACH. son dúas viaxes de estudos que complementan o coñecemento e o uso do inglés en contextos significativos.

O profesorado que imparte esta materia é bilingüe e/ou nativo altamente cualificado.

O profesorado que imparte as diferentes materias curriculares en inglés atópase formado adecuadamente para o seu labor.

Actividades extraescolares

O English Club é unha actividade extraescolar para nenos e nenas de entre 6 a 10 anos que ten como obxectivo o uso do inglés nunha batería de actividades e obradoiros, que complementen as aprendizaxes do día a día, prestando especial atención á expresión oral nun contexto lúdico e atraente.

O Galén English School é unha actividade extraescolar dirixida a nenos e nenas de entre 10 a 18 anos que ten como finalidade profundar e potenciar a aprendizaxe do inglés como vehículo de comunicación.

O campamento Galen English Summer Camp permite a aprendizaxe significativa do inglés en contextos de inmersión e está dirixido a nenos e nenas de entre 9 e 13 anos.

As estadías de verán en Dublín e Broadstairs que veñen desenvolvéndose con alto éxito e eficacia dende hai varios anos, son outras das actividades que axudan a potenciar o coñecemento do inglés.

O Centro fomenta o recoñecemento destas aprendizaxes a través do marco común de referencia europeo establecido polo Consello de Europa no 2001 que establece as directrices para a aprendizaxe e a ensinanza de linguas dentro do contexto europeo. Deste xeito defínense niveis de dominio da lingua que permiten comprobar o progreso do alumnado en cada fase de aprendizaxe e durante a súa vida.

Os recoñecidos exames de Cambridge que establecen cinco niveis correspóndense conforme á seguinte táboa:

Estas probas han ser o medio para acadar un recoñecemento complementario ao esforzo realizado polas familias e o centro e , especialmente, polo alumnado durante estes anos.

Francés

Educación Primaria

A lingua francesa está presente como materia común para todo o alumnado no 2º e 3º ciclo desta etapa, non sendo obrigatoria na lexislación vixente.

Educación secundaria

O francés é materia común e obrigatoria nos catro niveis da etapa. Sendo optativa segundo a lexislación actual en 3º e 4º E.S.O. A etapa remata cun intercambio en 4º E.S.O. cun instituto de París.

Bacharelato

O francés pode ser cursada polo noso alumnado como materia optativa.

O profesorado é nativo.

Alemán

Pode ser cursada como optativa en 4º E.S.O. e 1º Bacharelato.

O profesorado é nativo.