Poñemos o cole en danza

O acto final da celebración do X aniversario de Galén Centro Educativo é o e

O corazón e a botella..

Trátase dun espectáculo de danza, música, imaxe, poesía, ......

O fío conductor é o conto The heart & the bottle, de Oliver Jeffers, recoñecido autor británico de literatura infantil.

O guión e a música orixinal son obra de Manolo Panforreteiro, músico e actor lugués con proxección internacional

As músicas, compostas integramente por Manolo Panforreteiro para este espectáculo, parten das nosas raíces máis íntimas e mestúranse con outros sons diversos; clásicos e contemporáneos, próximos e menos próximos xeográfica e culturalmente.

Este espectáculo propón un tratamento innovador da música e a literatura fomentando de xeito global a educación pola arte.

Contamos coa colaboración especial de Guadi Galego, coñecida artista galega, Armando Martén e Betty Pérez, bailaríns e coreógrafos da compañía de danza contemporánea “Entremás”, Laura Míguez, actriz, malabarista e educadora social, Carlos Coira, actor e mago, Isabel Sánchez, actriz, Antonio Vázquez, percusionista, así como a participación doutros artistas lugueses e de todo o mundo, que completan a formación do noso alumnado en materias como a danza, a expresión corporal, a maxia, a dicción, etc.

Trátase dun proxecto dunha gran transcendencia didáctica e pedagóxica. Traballamos con nenos e nenas dende 1º de Educación Infantil ata 1º de Bacharelato, dende 3 ata 17 anos. Os grupos comparten un compromiso e un obxectivo común que é representar ante o gran público os valores e as ideas que o conto presenta.

É un agasallo para toda comunidade pero sobre todo é un agasallo para o noso alumnado.