Os nenos e nenas de 1º EP están celebrando a súa Estadía de Outono.
Luns, martes e mércores achegáranse á natureza con respecto , responsabilidade e aportando o seu gran de area para o seu coidado e conservación.
As actividades propostas están pensadas para acadar uns obxectivos no eido do estudo do medio natural: observar e recoñecer as características do outono mediante o estudo do bosque, así como no eido social: ampliar a relación entre nenos e nenas e tamén cos adultos, e aumentar a autonomía persoal e a confianza nun mesmo e no grupo.
Así, as actividades que desenvolvemos ao longo destes días son:
- observación do bosque mediante a busca de pegadas de animais
- quen vive neste bosque?
- xincana na carballeira
- obradoiros: cociña de outono e a cor
- visita Avifauna e xantar e xogos en Penas de Rodas
- sesión de cine
- velada nocturna con fogueira e música
Rematamos a Estadía de Outono con bo sabor de boca e cargados de experiencias e momentos para lembrar moito tempo.
Aprendemos moitas cousas sobre as aves coa visita á Avifauna, e tamén puxemos as gafas de exploradores para observar insectos e arañas que atopamos no bosque.
Gozamos moito na xincana e xogando en Penas de Rodas, e por suposto bailamos e pedimos un desexo na festa do lume. E… descubrimos que no faiado do cole hai un trasno, ou tres.., que veñen pola clase a facer das súas.
E para que vexades de que vos estamos a falar , deixámosvos estas imaxes.
